[蘋果日報]出櫃援交男 熱愛這份工

八方人物：出櫃援交男熱愛這份工

局外人視援交是貪慕虛榮、是墮落，20出頭的阿Mike，卻認為只有這份工，令他上進，給他快樂。做過送貨、超市、搭棚，阿Mike曾在職場上碰釘無數，「唔鍾意同一班同事相處」。健碩少男的興趣竟然是「同唔同男人上床」。為了做好這份工，他重拾書本學英文，當然還要努力玩健身，比起讀書、做搭棚工時，付出更多努力與汗水。  「我唔理人點睇」 一身古銅色肌膚、身高1.8米，阿Mike對自己的身材引以為傲，也以做援交為榮。這位快樂援交男中四輟學，19歲便「出櫃」公開同志身份，約兩年前入行，「最初好奇，chat room（網上聊天室）打個名、寫低身材，點知就有人回應」。 首位客人，是一名40多歲男子。「佢又怕醜，又想搵援交，睇中我後生、大隻」。年輕是阿Mike的賣點，「有時一星期五、六個客，有時一個月先得兩個」。網上一個留言、街邊一個眉目傳情，他都格外留神。 信不信由你，阿Mike對記者說，援交拓闊了他的視野，「可以去到好多豪宅、高級餐廳，見識到好多」，最大的成就感，是能寓工作於娛樂。別人或會認定是貪慕虛榮，對他卻是另一番「道理」。 沒道德壓力？「我唔理人點睇，始終人係有呢個需要，我呢份工作，可以幫到人釋放壓力、情緒」。家人？「屋企人唔知，我冇同佢講」。阿Mike在單親家庭成長，一家甚少溝通。 年輕力壯，他做過超市搬運工、到過地盤學搭棚，但要與一班同事相處，總覺格格不入。「自己勤力做晒，老細唔會知，反而有人平時唔做，好難接受」。做援交，風險不遜於出入地盤，他會定期接受性病檢查，行內又盛傳一位變態客人，專門虐待、打劫援交男。阿Mike即時向記者展示一身肌肉：「我就唔信有人夠膽打劫我！」 有動力學好英文 愛做援交，令阿Mike有動力再學好英文，時刻努力健身，保持完美身段。阿Mike說援交令他很快樂，旁觀者未必能理解，但他不介意分享這份「光榮」。關注性工作者組織午夜藍、紫藤等出版了《就是援交》一書，裏面有Mike和另外六位男女的援交故事，希望透過他和她親口自述，糾正公眾對援交的刻板印象。 記者雷子樂